Avokati i njohur, Altin Goxhaj i ftuar në Televizionin Fax News deklaroi se ekspozita e piktorit të njohur Avni Delvina u bojkotua nga të gjithë njerëzit që janë të varur nga Xhorxh Soros.
“Zëri i Amerikës do të ketë një speciale për ekspozitën e Avni Delvinës, të vetmit që nuk kanë shkuar në ekspozitë kanë qenë përfaqësuesit e Ambasadës Amerikane dhe Lulzim Basha si dhe ata që janë të varur nga politikat e Xhorxh Soros. Edhe doktor Berisha ka qenë në ekspozitë i cili solli me vete edhe mediat, ndërkohë Lulzim Basha nuk mund të shkonte sepse ekspozita është anti-Soros dhe ai nuk mund të merrte pjesë”, – tha Goxhaj.
Sipas tij, ekspozita trajton 46 grafika të cilat nuk janë rastësore por që korrespondojnë me faktin se Trump është Presidenti i 46-të i SHBA-ve.
“Ekspozita ka 46 grafika, dhe jo rastësisht, sepse Donald Trump është presidenti i 46-të i SHBA. Kjo ekspozitë do të shkojë shumë shpejt në Prishtinë por edhe në SHBA”, – deklaroi ai.
Goxhaj akuzoi kreun e Partisë Demokratike, Lulzim Basha për të cilin tha se e bojkotoi ekspozitën sepse është i lidhur me Sorosin.
Ai akuzoi edhe zv.ambasadoren e SHBA-ve në Tiranë duke thënë se, edhe ajo është një personazh shumë i njohur anti-Trump, ku sipas tij ka dhënë deklarata dhe ka bërë akuza të vazhdueshme kundër tij sepse është person i Sorosit.
“Ekspozitën kanë ardhur dhe e kanë vizituar eksponent të lartë të politikës amerikane, por përfaqësuesit e Ambasadës në Tiranë jo sepse dihet. Është normale që zv, ambasadorja që nuk e don Trumpin të mos merrte pjesë, ajo ka dalë shpesh herë kundër tij duke e akuzuar, sepse ajo zbaton politikën e Sorosit.
Ambasada Amerikane ka një politikë të tillë që po të jesh kundër Trumpit bujurm në Amerikë po të jesh pro tij, ti mbyll dyert”, – deklaroi Goxhaj ndër të tjera.
https://www.facebook.com/faxweb.al/videos/378689176020548/
(F.GJ/FAXWEB.AL)
Discussion about this post