Gjykata e Shkallës së Parë të Dubrovnikut ka vendosur të esktradojë në Serbi, Ismail “Ballist” Morinën, i njohur për autorësinë e ngritjes së dronit me flamurin “Autochtonus” në stadiumin e Beogradit më nëntor të vitit 2015.
Lidhur me këtë ministri i Jashtëm, Ditmir Bushati është shprehur ditën e sotme se qeveria shqiptare ka bërë të gjitha përpjekjet për të bërë të mundur lirimin e tij.
“Me lejoni t’u them se shteti shqiptar ka vepruar me të gjitha normat ndërkombëtare duke i dhënë asistencë Ballist Morinës, si dhe duke e vizituar ku mbahet aktualisht. Ka patur edhe një komunikim në Podgoricë mes dy kryeministrave. I njëjti komunikim është edhe mes dy shteteve. Rregullat e ekstradimit janë të qarta. Pavarësisht fjalës së gjyqësorit, i takon qeverisë kroate të vendosë. Jemi besimplotë se çështja do të zgjidhet në mënyre racionale.
Kjo është një çështje ligjore që secili shtet ka procedurat e veta dhe e kam të vështirë të komentoj zhvillimet mbi këtë çështje. Për ne ka qënë shqetesim që ditën e parë, duke qenë historinë fatkeqe që sjell sa herë kujtohet çështja e Beogradit, ndaj besojmë edhe nga komunikimi me palën kroate, se ka qartësi çfarë pasojash ka një veprim i tillë”. Sa herë kthehet në qender të vemendjes çeshtja e Beogradit, pasojat që ajo sjell dihen”, tha ai.
Ndërsa shton se secila prej palëve po bën levizjet që i gjykon me dobiprurëse.
“Jemi në një tryezë shahu, ku secila prej palëve bën levizjet që i gjykon me dobiprurëse. Serbia i ka bërë veprimet e saj. Kemi precedentin Italian, ku ju refuzua kërkesa Serbisë. Ne besojmë që Kroacia duhet të ndjeke kete precedent. Marrëdheniet mes dy vendeve duhen kultivuar dhe përmirësuar në funksion të stabilitetit demokratik”, përfundon Bushati. (S.SH/Shuplaka)
Discussion about this post