Deputeti i PD-së Enkeljed Alibeaj i është drejtuar ministres së Drejtësisë Etilda Gjonit se ajo ka qenë në djeni se Nezar Seiti po hetohej nga autoritet shqiptare. Alibeaj i ka treguar dy shkresat ku sipas tij Gjonaj ka firmosuar për hetimet ndaj Nezar Seitit që po zhvilloheshin nga autoritet shqiptare.
“Kjo sapo që dëgjuat ishte një e pandehur, ishte fjala e fundit me të cilin kërkoi mëshirë. Nuk quhet Katanja por Katania. As emrin nuk ia di. Ka një ndryshim të madh midis hetimeve të Katanias dhe Prokurorisë Shqiptare. Prokurora e Krimeve të Rënda heton Saimir Tahirin mbi të gjitha, dhe kjo është rëndësishme për ne.
Ti je merakosur për pushimet e Saimir Tahirit, jo për Nezar Seitin. Nëse ka një procedim penal për një person në vendin tonë, përparësinë e merr Prokuroria Shqiptare, jo një hetim i jashtëm dhe këtë e thotë edhe Kushtetuta e vendit.
‘Nga verifikimet e kryera me këto të dhëna nuk rezulton që të ketë sjellë një letërporosi nga Prokuroria e Krimeve të Rënda dhe Gjykata’, kështu ke thënë t’i zonja ministre.
Zonja ministre këtu kam dy dokumenta, shkresa zyrtare. Në këto shkresa ke firmosur dhe që keni qenë në djeni për hetimin e Tahirit, Habilajve dhe Nezar Seitit. Madje ke firmosur edhe dy shkresa. E ke firmosur pa e shikuar? Zgjidhe vetë. Mëshirë për ty nuk do të ketë.”, u shpreh Alibeaj.
Menjëherë ka marrë fjalën Etilda Gjoni e cila nuk e ka mohuar këtë deklaratë të Alibejat por është fokusuar te Reforma në Drejtësi.
Ministrja Gjoni pak javë më parë ka deklaruar se nuk ka qenë në djeni se Nezar Seiti po hetohej nga autoritet shqiptare dhe për këtë arsye lejoi ekstradimin e Nezar Seitit drejt Italisë. (J.V/Faxweb)
Discussion about this post