Ekstradimi i Nezar Seitit, Prokuroria e Durrësit: Ka shpërdorim detyre nga disa institucione

Prokuroria e Durrësit ka sqaruar rastin e ekstradimit të Nezar Seitit, i njohur si financier i bandës së ‘Habiljajve’.

Burime për ‘Fax News’ bëjnë me dije se Prokuroria e Durrësit ka konstatuar shkelje nga disa disa institucione.

“Gjatë hetimit të kryer janë konstatuar shkelje nga ana e institucioneve si Policia Gjyqësore e Drejtorisë Vendore të Policisë Tiranë, Prokuroria pranë Gjykatës së Shkallës së Parë Tiranë, Gjykata e Shkallës së Parë Tiranë, Drejtoria e Marëdhenieve Juridiksionale me Jashtë pranë Ministrit të Drejtësisë, Drejtoria e Marëdhenieve Juridiksionale pranë Prokurorit të Përgjithshem.

Ekstradimi i shtetasit Nezar Seiti, nuk ka sjellë pasoja të parikuperueshme në hetimin e procedimit penal nr.134 të vitit 2016 sic do të ishte psh lirimi I personit.

Nga ana e Prokurorisë së rrethit Gjyqësor Durrës është vlerësuar se ky ekstradim është kryer në kundërshtim me parashikimet e nenit 491 të Kodit të Procedurës Penale dhe për këtë shkak është regjistruar procedimi penal nr.172 për veprën penale të “Shpërdorimit të detyrës”, parashikuar nga neni 248 të Kodit Penal.

Nga kryerja e veprimeve hetimore, nuk janë konstatuar elementet e vepres penale të “Shpërdorimit të detyrës”, parashikuar nga neni 248 i Kodit Penal”, ka sqaruar Prokuroria, raporton ‘Fax News’

Ekstradimi i Nezar Seitit ndezi debatin në politikën shqiptare ku opozita akuzoi maxhorancën se financier i ‘Habilajve’ u dërgua në Itali për të shmangur hetimet në Shqipëri për ish-ministrin e Brendshëm Saimir Tahiri.

Nezar Seiti një nga njerëzit kryesore të grupit të Habilajve ka lenë qelinë e burgut në Itali. Gjykata e Katanias vendosi të mërkurën t’ia ndryshoje masën e sigurisë 42- vjeçarit, nga arrest me burg në arrest shtëpie.

(B.H/Faxweb)