Është vendosur ekstradimi në Itali i ‘financierit’ të dosjes Habilaj, Nezar Seiti. Hetimi për të do të vijojë për aktivitetin në Shqipëri nga ana e Prokurorisë së Krimeve të Rënda.
Ai u arrestua pak kohë më parë në Vlorë nga ana e autoriteteve shqiptare, për llogari të drejtësisë italiane.
Seiti mbahej në burgun 313 në kryeqytet, ndërsa emri u përmend në përgjimet e Prokurorisë së Catanias.
Ekstradimi është kërkuar edhe nga vetë Seiti pasi ai nëpërmjet avokatit të tij është shprehur se nuk beson tek drejtësia shqiptare ndaj kërkon që procesi ndaj tij të zhvillohet në vendin fqinj. Përveç gjykatës së krimeve të rënda në Shqipëri për Seitin edhe gjykata e Katanias ka caktuar masën e sigurisë “ arrest me burg ”.
Në dosjen e hetuesve italian Nezar Seiti, cilësohet si një person kyç që ka dijeni mbi shtrirjen dhe funksionimin e grupit “Habilaj” në kultivimin dhe trafikimin e kanabisit drejt Italisë. Seiti u arrestua në Babicë të Vlorës në një operacion ku u kapën 4 ton kanabis.
(E.K/FAXWEB)
Discussion about this post