Ekstradohet nga Italia 40-vjeçari fierak i dënuar për “shfrytëzim prostitucioni”

Eskstradohet nga Italia një shtetas shqiptar i dënuar për “shfrytëzim prostitucioni”.

Sipas njoftimit të Policisë, bëhet fjalë për 40-vjeçarin nga Fieri, Maksim Sota.

Gjykata e Rrethit Gjyqësor Fier e ka dënuar Sotën me 13 vjet burg për kryerjen e veprës penale “Shfrytëzim prostitucioni në rrethana rënduese”, më 6 Korrik 2004.

Së bashku me vëllanë etij, R.Sota, ai ka shfrytëzuar një shtetase për prostitucion në Greqi dhe Itali nga viti 1997 deri në vitin 2002.

Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, duke u finalizuar me ekstradimin e tij drejt vendit tonë, thuhet në njoftimin e Policisë së Shtetit.