Pas vënies në pranga të Mikel Shallarit, janë shtuar kontrollet e policisë për të gjetur dhe arrestuar dy personat e shpallur në kërkim për rolin e ndërmjetësit, bashkëpunëtorit dhe porositësit, që kanë pasur në ekzekutimin e ish-kryekomisarit Artan Cuku.
Mësohet se janë ushtruar kontrolle në disa zona të Fierit, Vlorës dhe Beratit, në të cilat dyshohet se fshihen të shpallurit në kërkim, identiteti i të cilëve nuk bëhet i ditur për arsye hetimore.
Zyrtarisht i është kërkuar ndihmë edhe Interpolit pas dyshimeve se personat përgjegjës për vrasjen e Artan Cukut janë arratisur jashtë Shqipërisë në rrugë të paligjshme ose përmes kufirit të gjelbër.
Dyshohet se ekzekutimi i ish-kryekomisarit mund të ketë lidhje me detyrën që ai ka mbajtur në krye të Policisë së Vlorës dhe si nëndrejtor i Beratit, ndërkohë që një ndër pistat e hetuara ka qenë edhe ajo e konfliktit me familjen Daka.
(XH.A/SHUPLAKA)
