Është gjetur e djegur në lagjen “Saravë”, në autostradë, makina që dyshohet se përdorën autorët në vrasjen e Besmir Hidës mëngjesin e sotëm.
Në vendin ku u gjet makina janë gjetur dhe armë zjarri, ndërsa nuk dihet intenerari që kanë ndjekur më tej autorët. Makina tip “Fiat” me targa shqiptare dyshohet të jetë e vjedhur.
Hida ka pasur në pronësi një pikë grumbullimi të makinave të vjetra në Lushnje, ndërsa dhe më herët i ishte organizuar një atentat me lëndë shpërthyese në makinë, po që fatmirësisht nuk kishte shkaktuar viktima.
Burime bëjnë me dije për Fax News se Hida është daja i Zamir Latifit, i cili u ekzekutua rreth dy vite më parë në qendër të Lushnjes.
Kujtojmë se Zamit Latifi dhe Jurgen Hoxha u ekzekutuan në qendër të Lushnjes në 11 tetor të vitit të vitit 2017, ndërsa autorët janë Laert Haxhia dhe Orges Bilbili. Objektiv i këtij atentati ishte Xhulio Shkurti, që në atë moment nuk ndodhej në vendin e ngjarjes, i njohur ndryshe dhe si nipi i Aldo Bares. (Lexo edhe ketu)
