Shqiptari 53-vjeçar i cili u sulmua me armë nga persona ende të paidentifkuar, që i hynë në dhomën e gjumit në lagjen Peristeri të Athinës ka humbur jetën. Sipas mediave greke shqiptari nuk ka mundur të mbijetojë plagëve të marra nga arma e zjarrit dhe ka dhënë frymën e fundit në spital, ku ishte i shtruar fill pas ngjarjes së rëndë.
Kjo ngjarje ndodhi natën e 3 shkurtit në orën 02:00 të mengjesit, kur në rrugën ‘Olympou’ në Athinë, në katin e dytë të një ndërtese, në apartamentin e një familjeje shqiptare ndodhi masakra.
Dy a tre persona të maskuar, hynë direkt në dhomën e çiftit shqiptar, teksa ata ishin duke fjetur dhe hapën zjarr. Ata qëlluar edhe gruan e tij me një plumb në kokë dhe pastaj edhe burrin. Gruaja, 50-vjeçare vdiq menjëhere, kurse burri u dërgua rëndë në spital. Autorët plagosën edhe djalin e familjes, një 27-vjeçar, ndërkohë që ai tentoi të hynte në dhomën e prindërve, kurse ajo që shpëtoi ishte vajza 17-vjeçare që pa vetëm tmerrin që i ndodhi familjes së saj. (J.V/Shuplaka)
