Grabitja e ndodhur sot në aeroportin e Rinasit deri më tani sipas informacioneve është shoqëruar me bilancin e një viktime dhe rreth 10 milion euro të grabitura.
Personi i cili ka mbetur i vdekur gjatë shkëmbimit të zjarrit me policinë është njëri nga grabitësit që i zunë pritë autoblindit me para të cilat sipas informacioneve kishin për destinacion Austrinë.
Në foton e mëposhtme të siguruar nga Fax News shihet trupi i pajetë i grabitësit i cili mësohet se është nisur drejt morgut.
Ndërkohë policia është treguar tepër e rezervuar në dhënien e informacioneve lidhur me ngjarjen uke mos bërë kështu të ditur numrin e autorëve që morën pjesë në grabitje apo emrin e ndonjërit prej tyre përfshirë edhe të atij që mbeti i vdekur gjatë shkëmbimit të zjarrit.
Grabitja me armë ka ndodhur pasditen e sotme rreth orës 15:00 në Rinas. Persona të veshur me rroba ushtarake kanë hyrë brenda aeroportit “Nënë Tereza”, në terminal dhe të kamufluar me një mjet me mbishkrimin “Hetimi Tatimor” ku kanë grabitur miliona euro që ndodheshin në mjetin blind.
Menjëherë pas ngjarjes forcat FNSH dhe RENEA janë vënë në ndjekje të grabitësve dhe kanë hapur zjarr duke lënë të vdekur njërin prej tyre. (lexo ketu)
(F.GJ/FAXWEB.AL)
Discussion about this post