Një shqiptar është ekzekutuar me 4 plumba në qytetin e Romës në Itali. Sipas mediave italiane viktima u identifikua dhe është 43-vjeçari shqiptar me emrin, Gasper Reci.
Sipas policisë italiane Reci u vra mbrëmë rreth orës 23:30 minuta në rrethana që ende presin të sqarohen nga policia.
Shqiptarit iu bë pritë pak para se të shkonte në banesë, në rrugën Simeri Crichi, në Tor Vergata, nga persona ende të paidentifkuar.
Duhet të theksojmë që viktima u gjet i pajetë dhe i gjakosur nga plumbat dhe për të edhe pse u njoftua urgjenca nuk ishte e mundur të bëhej asgjë. Po kështu deri më tani nuk ka pasur asnjë dëshmitar okular në vendin e ngjarjes.
Në momentin e krimit, thuhet se në banesë ka qenë vetëm vajza e viktimës. Po kështu policia po punon për zbardhjen e ngjarjes dhe gjetjen e ndonjë piste. (J.V/Shuplaka)
