Ekzekutoi me 6 plumba të riun në mes të Shkodrës, Hoxha kërkon mëshirë nga trupi gjykues (VIDEO)

Autori i vrasjes së Hermes Beqirit e ka pranuar krimin e kryer dhe ka kërkuar mëshirë nga trupi gjykues.

Fax News raporton se Gjykata e Shkodrës ka çuar për gjykim çështjen për vrasjen e Hermes Beqirit.

Trupi gjykues i kryesuar nga Arben Zefi, ka dëgjuar pretendimet e Prokurorisë për dy të arrestuarit Elvis Hoxha dhe Ditmir Harifi.

Autori ka kërkuar gjykim të shkurtuar për ngjarjen e ndodhur në 4 nëntor në Shkodër ku u vra me armë zjarri shtetasi Hermes Beqiri.

Hermes Beqiri mbeti i plagosur rëndë me 6 plumba në një lokal në lagjen “Guerrile”, në vendin e quajtur ish-Zooteknika.

Disa orë pas plagosjes policia e Shkodrës arrestoi autorin Elvis Hoxha, që ishte fshehur në fshatin Grudë.

Hoxha, pasi ka debatuar me Beqirin, ka marrë një pistoletë dhe e ka qëlluar disa herë. Hermes Beqiri ka 6 plumba në trupin e tij, pjesën më të madhe në bark dhe në kraharor.

(F.M/Faxweb)

https://youtu.be/P_2LUPWwqOM