Kryeministri i Shqipërisë, zoti Edi Rama ishte i pranishëm ditën e sotme në Elbasan, aty ku ai isnpektoi punimet për ndërtimin e një piste, e cila shpresohet të jetë në dispozicion të garave të Formula 1.
Sipas Ramës, ky automotpark do t’i shtojë Shqipërisë një motor tjetër për ekonominë dhe kuaj të rinj fuqi për industrinë e turizmit.
Postimi i zotit Rama:
Elbasan – Në kantierin e Automotoparkut, ku po ndërtojmë një platformë të re ultramoderne, e cila do t’i shtojë jo vetëm Elbasanit, po vetë Shqipërisë një motor tjetër për ekonominë dhe kuaj të rinj fuqi për industrinë e turizmit
Ky projekt është një hapësirë e re edhe për rritjen e sigurisë rrugore përmes edukimit, po edhe një mundësi e re e jashtëzakonshme për sportet automotoristike, si edhe eventet ndërkombëtare të niveleve më të larta, që pritet të sjellin nga e gjithë bota ndjekësit e garave ndërkombëtare dhe vetë FORMULA 1-shin me 1 miliardë teleshikuesit saj në mbarë botën
