Gjatë mbrëmjes së sotme, qyteti u ka ofruar një skenë jo të zakonshme qytetarëve pasi është blinduar nga prania e forcave të shumta policore në të gjithë hapësirën ku shtrihet qyteti.
Kjo ndodh vetëm disa ditë pas ngjarjeve të rënda të ndodhura në këtë qytet, përfshirë edhe vrasjen e avokatit Ravik Gurra i cili u ekzekutua në një lokal shumë pranë qendrës së qytetit nga autorë ende të paidentifikuar.
Raportohet se forca të shumta të policisë ndodhen në të gjitha kryqëzimet dhe akset rrugore të Elbasanit, si dhe nëpër lagjet kryesore të këtij qyteti ka marrin pjesë patrullat e forcave ‘Shqiponja’ dhe të FNSH-së, të cilët kanë ndërmarrë kontrolle të imtësishme ndaj drejtuesve të automjeteve si dhe makinave të tyre ku në qendër të tyre janë kryesisht personat me precedent penal.
Gjithashtu kontrolle të befasishme ka patur edhe në biznese të ndryshme dhe në banesa. Ndërkohë, policia ende nuk ka dalë me një deklaratë zyrtare për të shpjeguar se në çfarë kuadri zhvillohet ky operacion.
Discussion about this post