Duket se nuk kanë të sosur deklaratat tronditëse nga familja e Elda Tanushit, e cila u arrestua ngaqë tentoi të helmonte vjehrrën duke i hedhur helm në gotën me kos.
Këtë herë është nëna e Eldës, Fluturije Tanushi, ajo e cila s’ka reaguar lidhur me ngjarjen. Sipas zonjës Tanushi, vajza e saj e ka bërë këtë veprim pasi ka qenë gjatë gjithë kohës nën presionin e vjehrrit, i cili ka abuzuar seksualisht me të.
Në një prononcim për Panorama, ajo shprehet se e bija ka dashur të helmojë vjehrrin, por gotën me kos e ka pirë e shoqja, Arjana, e cila është helmuar.
“Vajza e ka pranuar atë që ka bërë. Ka pasur një hall shumë të madh që e bëri atë veprim. Por ka thënë se helmin nuk e kishte për vjehrrën, por për atë palaçon, vjehrrin, që ka abuzuar me vajzën time. Policia i ka provuar të gjitha ato që ka deklaruar vajza ime dhe të gjitha kanë dalë të vërteta”, shprehet nëna e 19- vjeçares.
Madje, nëna e eldës shprehet se nuk ka asgjë me pjesëtarët e e tjerë të familjes së dhëndërit, përveç vjehrrit, Eduart Stafës.
“Ai i ka bërë presion vajzës që të mos fliste. Herën e fundit që e kam parë vajzën, ka qenë bashkë me vjehrrin te shtëpia që kemi pasur ne në fshat, sepse kishim një varrim, me vdiq nusja e vëllait. Ai i është afruar në fytyrë dhe nuk e di çfarë i ka thënë, por i ka bërë presion. E kanë parë fëmijët dhe më kanë thënë”, shprehet Fluturie Tanushi.
Ndër të tjera, zonja tregon se tashmë po pret vajzën që t’ia sjellë policia në shtëpi. (D.D/Shuplaka)
