Këngëtari i njohur Elgit Doda në një interviste përmes “skype” në Fax News foli në lidhje me rutinën e tij në karantinë, pas mbylljes për shkak të koronavirusit.
Këngëtari tregoi se këto ditë ka më shumë kohë që të kompozojë, ndërkohë që shton se i mbyllur brenda në shtëpi ka filluar që të stërvitet më shumë dhe të kontrollojë ushqimin.
“Gjëja e mirë është se po rrimë me njerzit e dashur të familjes. Është një situatë e vështirë për të gjithë biznesin për të gjithë gjërat. Shpresojmë që të lirohet sa më shpejt. Po qendroj në shtëpi po kompozoj nga pak, po bëj stërvitje nga pak.
Nuk ka një ndryshim nga dita në ditë, pasi në shtëpi të njëjtat gjëra do të bësh. Po bëj stërvitej në shtëpi dhe kam hequr disa kile të mira dhe po e kontrollojmë shumë ushqimin.”- tha këngëtari.
Këngëtari i cili shume shpejt pritet që të bëhet baba për herë të parë, ka rrëfyer se kjo është një gjë e mrekullueshme që po ju ndodh Kleas dhe atij.
“Është pak e pabesushme akoma, diçka e bukur po ndodh. Sa më shumë shoh rrobat e bebit aq më shumë emocionohem, në fund të ditës është pazulli që duhet plotësuar në jetë. Besoj se tani do të fillojë jeta për mua dhe për Klean. Klea është shumë e lumtur për këtë gjë, më e lumtur se e lumtur.”- tha këngëtari.
I pyetur se çfarë i mungon më shumë nga përditshmëria, Elgiti tregoi se shoqëria, ndërkohë që shtoi duke qeshur se i mungon dhe një berber.
“Më mungon shoqëria dhe një berber! Realisht e mbaj kapelen sepse flokët janë bërë shumë.”- tha Elgiti.
(M.Q/Faxweb.al)
