“Elidoni u vra me 7 plumba, iu fik makina në rrethrrotullim”, çfarë rrëfeu dëshmitari

Detaje të reja janë bërë të ditura për ekzekutimin e mbrëmshëm të 35-vjeçarit Elidon Mehmeti, i cili nuk mundi t’i mbijetojë plagëve të marra.

Një dëshmitar në vendngjarje ka bërë me dije për “JOQ” se viktima nuk u qëllua me 15 plumba siç shprehen burime të policisë, por me 7. Sipas tij, 35-vjeçari u qëllua dy herë fillimisht dhe më pas 5 herë me breshëri.

“Ngjarja ka ndodhur në 22:54 në lagjen “Pavarësia”, rruga “Pelivan Leskaj” përballë një furre buke. Ai aty është vrarë e më pas e kanë lëvizur makinën për ta çuar në ambulancë, por makina u fik tek rrethrrotullimi dhe më pas e mori ambulanca”, ka rrëfyer dëshmitari.

Dyshohet se shkak i ekzekutimit të tij janë disa konflikte të vjetra të tij. Mësohet se Policia e Vlorës ka sekuestruar pamjet filmike të disa ambienteve përreth në kuadër të hetimit për zbardhjen e ngjarjes.

(XH.A/SHUPLAKA)

[ngg_images source=”galleries” container_ids=”1541″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]