Trajneri i Gjermanisë, Joachim Loë padyshim që mban peshën më të madhe për eliminimin e Gjermanisë nga Botërori.
Pas ndeshjes me Korenë e Jugut të cilën Gjermania e humbi 2-0, trajneri ka marrë përgjegjësitë e tij Ky është eliminimi i parë i Gjermanisë që në fazën e grupit. Ndërkohë, pas ndeshjes Low ka thënë:
“Ishte shumë e vështirë të zhbllokonim rezultatin. Nuk ia dolëm. Është e vështirë të thuhet pse kemi luajtur ashtu. Na ka munguar përqendrimi, vetëbesimi dhe siguria për të kryer kombinimet tona. Meritojmë eliminimin. Edhe në dy ndeshjet e mëparshme, si ndaj Meksikës ashtu edhe ndaj Suedisë nuk luajtëm me dinamikën e duhur duke bërë shumë gabime.
Sot krijuam shumë por nuk finalizuam, ndoshta na ka munguar edhe pak fati. Është shumë e vështirë të fitosh dy herë radhazi Kupën e Botës. Kur morëm vesh se Suedia kishte kaluar në avantazh, dolëm përpara për të provuar gjithçka dhe rrezikuam gjithçka por nuk ia dolëm. Duhet ta analizojmë pse ndodhi. Por unë marr të gjitha përgjegjësitë”, ka përfunduar trajneri Low. 9B.H/Faxweb)
