Eliminimi nga Kupa e Botës ditën e sotme pasi u mundën nga Suedia me rezultatin e ngushtë 1-0 ka shkaktuar zhgënjim të madh tek zviceranët.
Trajneri i Zvicrës, Vladimir Petkovic, pas ndeshjes është shprtehur mjaft I zhgënjyes, madje deklaroi se ekipi tij nuk bëri mjaftueshëm dhe nuk e meritoi të kalojë më tej.
“Jemi tejet të zhgënjyer, e gjithë skuadra është. Natyrisht se dëshironim më shumë, por njëkohësisht e urojmë ekipin e Suedisë sepse kanë bërë pikërisht atë për të cilën janë të mirë dhe ajo ka mjaftuar për të na mposhtur.
Pasi shënuan një gol ishte shumë vështirë të thyhen. Është dashur të bënim më mirë, por ishim skuadra më inferiore dhe jo aq të mirë për ta fituar ndeshjen.
Mungonte diçka në atë ndeshje nga ne, por në të gjitha takimet ku ka luajtur Suedia kundërshtarët e kanë pasur të vështirë të zhvillojnë lojën e tyre.
Në 10 apo 15 minutat e fundit u përpoqëm të luanim me më shumë emocion dhe ishte më mirë, mendoj. Megjithatë, në fund nuk mjaftoi”, ka deklaruar Petkoviç. (B.H/Faxweb)
