Elio Laze për Ramën: Të paktën ato atletet e bardha t’i marrë ngjyrë tjetër se do i bëhen pis me gjak kur ecën rrugëve

Elio Laze ka reaguar lidhur me ngjarjet e rënda të ditëve të fundit, ku janë shënuar vetëm vrasje, zjarre, plagosje dhe aksidente.

Rasti i fundit ishte mbrëmjen e sotme në “Komunën e Parisit”, ku pas një shkëmbimi zjarresh një djalë i ri, vetëm 24 vjeç, mbeti i plagosur.

Ndërkohë një nga rastet që tronditi mbarë opinionin publik, ishte ai i Marvi Mihalit, djalit të rekordmenit shqiptar në kërcimin me shkop, Pavllo Mihali. Marvi humbi jetën mbrëmjen e 31 korrikut, pasi e qëlluan me thikë për një karikues celulari.

Laze i kujton kryeministrit Edi Rama të gjitha këto ngjarje, si edhe vizitën e tij të fundit në Podgoricë për Samitin e Kartës së Adriatikut, ku u shfaq sërish me atlete të bardha.

“Vrasje, plagosje, aksidente. Çdo dite viktima. Te pakten ato atletet e bardha t’i marre ngjyre tjeter se do i behen pis me gjak kur ecen rrugeve…”, shkruan Laze. Një reagim tronditës ky, për realitetin tronditës.

Kujtojmë se Rama u përjashtua nga fotoja zyrtare e liderëve të Ballkanit me zëvendëspresidentin amerikan Mike Pence, sipas mediave shkak ishin atletet e tij të bardha. (D.D/Shuplaka)