Elio Laze ka sot një pyetje për kryeministrin Edi Rama, pse Paulin Ndreu, vëllai i deputetit Pjerin Ndreu nuk është shkarkuar ende nga puna.
“Sipas kesaj shkrese z. Paulin Ndreu duhet te ishte larguar nga detyra ne Kapitenerine e Porteve. Sot e kesaj dite eshte ende ne detyre. Apo jo kryeminister? Nuk besoj se nuk eshte zbatuar kjo shkrese?
Apo eshte zbatuar dhe pastaj ne baze te pikeve te konkursit qe bejne ata qe aplikojne tek Portali i Bashkqeverisjes rastesisht fare ka fituar vellai i deputetit Pjerin z. Paulin…#TepsiaQeDua”, shkruan Laze.
Jo më larg se sot është shkarkuar nga puna vëllai i deputetit të LSI-së, Luan Rama.
Arsim Rama, i cili prej kohësh ka qenë drejtor rajonal i Sigurimeve Shoqërore në Tiranë është pushuar krejt papritur, duke mos patur asnjë motivacion. Po kështu drejtorit nuk i janë dhënë vërejtje paraprake për punën që kryente.
Së fundmi Edi Rama ka vendosur në pozicione kyçe njerëz të besuar të tij dhe të PS-së, si rasti i drejtorit të Përgjithshëm të Postës Shqiptare apo drejtuesve në spitale.
(E.K/Faxweb)
