Nuk ka mbetur njeri pa u shprehur pas fjalimit të bërë nga mirditorja Rigerta Loku në Kuvend. Nga emocioni në dramë, edhe pse gjendja e fshatit njihet mjaft mirë nga të gjithë, edhe pa dëshminë e Rigertës.
Një prej atyre që menjëherë e ka marrë në mbrojtje atë pas disa akuzave se fjalimi i saj ishte i inskenuar ka qenë dhe deputetja socialiste Elisa Spiropali.
“Opozita në sulm për t’i bërë biografinë Rigertës. Një thënie e urtë popullore thotë se budallallëku brirë nuk ka. Të presim a do rezultojnë me brirë dhitë e Rigertës pas ekspertizës së analistëve të pavarur pranë SHQUP”, shkruan Elisa.
Ujë, rrugë kërkonte Rigerta për fshatin, po a nuk e dinin këtë politikanët e së majtës që prej katër vitesh qeverisin vendin? A po i shërben Rigerta kauzës së tyre për rilindjen e zonave rurale? A mund që dikush të gjejë rrugën e hapur për në Kuvend ndërkohë që do të shajë qeverinë?!
Këto janë disa nga pikëpyetjet që me të drejtë kujtdo mund t’i lindin në kokë… (E.K/SHUPLAKA)
Discussion about this post