Zëdhënësja e kryesisë së Partisë Socialiste, Elisa Spiropali flet për situatën politike në vend dhe për protestën e opozitës. E ftuar në “Ora News”, Spiropali akuzon opozitën se përmes protestës po përpiqet të destabilizojë vendin.
“Protesta e opozitës është një alibi në shumë nivele dhe është një përpjekje e qëndrueshme fatkeqësisht për të destabilizuar vendin në disa plane.”, tha Spiropali.
Ndërkohë zëdhënësja e Kryesisë së PS-së, mohoi opsionin për shtyrjen e datës së zgjedhjeve siç ka kërkuar opozita sëfundmi, duke deklaruar se data e zgjedhjeve është 18 qershori dhe kjo nuk ndryshon.
“Nuk është në dorë të opozitës të shtyjë zgjedhjet. Ka një sistem shumë të qartë, ka një ligj sesi operon, është vendosur data e zgjedhjeve dhe data e zgjedhjeve është e panegociueshme, është 18 qershori data e zgjedhjeve. Opozita padiskutim që duhet të marrë pjesë në zgjedhjet e vendit. Janë bërë zgjedhje në këtë vend me armë.”, shton Spiropali.
Nga ana tjetër, përplasjet brenda koalicionit PS-LSI Spiropali i quajti konstruktive. (D.D/Shuplaka)
Discussion about this post