Moderatorja e njohur Elita Rudi mbrëmjen e djeshme ka qenë e ftuar në emisionin “Në Kurthin e Piter Pan” prej ku ka rrëfyer përpara fëmijëve të panelit se kur ka qenë e vogël i ka vënë flakën shtëpisë, ose më saktë, dhomës së saj.
Gjithçka ka nisur nga një tekë e Elitës! Ajo nuk pëlqente një arush të sajin dhe nga padija e një fëmije i ka vënë flakën dhe më pas e ka futur në dollap.
“Unë nuk e dija që e dogja të gjithë dhomën. Gjithçka nisi nga një arush që unë nuk e pëlqeja më. Vendosa që t’i vë flakën dhe pastaj e futa në dollap. Mami nëpër shtëpi ndiente një erë të djegur, por nuk ma mori mendja se ishte arushi. Sapo hyri babi pastaj në shtëpi, edhe ai tha ‘diçka po vjen erë e djegur’. Aty shpërtheu flaka dhe iku dhoma ime”, tha Elita.
Në njëfarë mënyrë rrëfimi i saj ishte edhe një mesazh sensibilizimi për të gjithë fëmijët, që pavarësisht tekave që kanë duhet të tregohen shumë të kujdesshëm.
Rikujtojmë që Elita së bashku me partnerin e saj Gjiko janë bërë prindër për herë të parë në muajin shkurt dhe vogëlushin e tyre kanë vendosur ta quajnë Zëri. /revistaclass
Discussion about this post