Brenda pak ditësh qyteti i Vlorës është tronditur nga disa atentate dhe vrasje mafioze. Mesnatën e djeshme nga një sulm në një lokal në zonën e ‘Ujit të Ftohtë’ mbeti i vrarë një 33 vjeçar dhe u plagosën tre persona të tjerë, mes tyre një femër.
E tronditur nga kjo ngjarje shprehet dhe deputetja demokrate e Vlorës Liljana Elmazi e cila në një shkrim të gjatë të sajin ndalet te përgjegjësia e kryeministrit Rama për gjendjen e krimit.
‘’Jetë të reja humben sot në Vlorë! I vrave ti, arrogant i pareflektueshëm, syveshur e syplasur që po mbjell vetëm fatkeqësi! U prehshin në paqe aty lart, se këtu poshtë, Rama i Zi nuk i lë të jetojnë! Ty, të pashpirtit ç’njerëzorit, nuk të prekin lotët e nënave që vajtojnë për jetët e këputura në mes!’’, shkruan ndër të tjera Elmazi.
SHKRIMI I PLOTË I DEPUTETES:
Sot, ti vrave Vlorën time! Sot, ishte radha e qytetit tim për ‘tu gdhirë e përgjakur,,,,çdo javë vrasje e tritol! Me ty në krye, dita lind e përgjakur me erë kufomash dhe re lotësh! Sot, kështu lindi ajo për vlonjatët e mi, se ti i vrave edhe sot, si çdo ditë në këto 4 vite!
Jetë të reja humben sot në Vlorë! I vrave ti, arrogant i pareflektueshëm, syveshur e syplasur që po mbjell vetëm fatkeqësi! U prehshin në paqe aty lart, se këtu poshtë, Rama i Zi nuk i lë të jetojnë! Ty, të pashpirtit ç’njerëzorit, nuk të prekin lotët e nënave që vajtojnë për jetët e këputura në mes!
Je dehur prej pushtetit të pamerituar, dhuratë e krimit që ende të mban në këmbë, duke i bërë karshillëk çdo sundimtari gjakatar! Kufomat, era dhe tymi i shkatërrimit qeë po lë pas, ia kalojnë çdo lloj bombe të persosur. Thjesht, Ti je e keqja pakufi ! Ti , Rama i Zi , je i lindur për të mbjellë të keqen që edhe djalli në Tokë do ta kishte zili..Nuk ndalesh në mizorinë tënde!
Ti ke marrë peng e po ekzekuton çdo ëndërr të shqiptarëve, ndaj duhet larguar sa nuk e ka kthyer Shqipërinë në një varrezë ,ku të varros nje komb të tere mijera vjecar, më i vjetri ne Ballkan. (E.K/SHUPLAKA)
