Elon Musk dëshiron të blejë klubin e Liverpool

Elon Musk dëshiron të blejë klubin e Liverpool në Angli. Miliarderi, drejtues i kompanive Tesla dhe SpaceX synon të investojë edhe në futboll.

Babai i Elon Musk, Errol konfirmoi interesimin e djalit të tij për të marrë Liverpool-in, klub me të cilin kanë një lidhje të veçantë, për shkak se gjyshja e tij ka lindur atje.

“Nuk mund të flas për këtë, sepse pronarët aktualë mund të rrisin çmimin. “ Është diçka që ai e dëshiron , por nuk do të thotë se ai po e blen”.theksoi Errol.

Ishte “Weekend Sport” që pak ditë më parë raportoi se Elon Musk po përgatit një ofertë për të blerë klubin e Liverpool, ndërsa konfirmimi për interesimin vjen nga babai i tij.

Klubi anglez vlerësohet nga “Forbes” rreth 5 miliardë euro dhe nuk dihet nëse pronarët aktualë të “Fenway Sports Group”, janë të gatshëm ta shesin.