Elton John humb të ëmën, nuk kishin folur për 9 vite

Një lajm i trishtë për Elton John. Ditën e sotme ai ka thënë se është “në shok” pas vdekjes së nënës së tij Sheila Farebrother.

Këngëtari ka postuar një fotografi  me të ëmën në Instagram ku shkruan:”Është kaq e trishtueshme të them se nëna ime ka vdekur këtë mëngjes. Unë e pashë vetëm të hënën e kaluar dhe jam shumë i tronditur. Udhëto e qetë mama, do të më mungosh shumë”, shkruan mes të tjerash këngëtari.

Në maj ai postoi një foto të të dyve në të shkuarën duke festuar rilidhjen me znj. Farebrother në Ditën e Nënës në Amerikë. “Shumë i lumtur që u lidhëm prapë. Me dashuri, Elton”, shkruante këngëtari në atë kohë.

Sër Elton dhe nëna e tij u ndanë në 2008, pasi ajo refuzoi kërkesën e tij për të mos folur me dy miq të tij të vjetër. Ajo rrëfeu për Daily Mail se djali i saj e telefonoi duke e urdhëruar të priste çdo kontakt me Bob Halley, shoferi personal i Elton, të cilin e pushoi nga puna pas 30 vitesh shërbim, dhe John Reid, me të cilin ishte ndarë.

“I thashë se nuk kam ndërmend të ndahem me ta. Bob është si një djalë për mua. Ai ka qënë gjithmonë i mrekullueshëm dhe ka jetuar pranë nesh duke u kujdesur për mua”, ka thënë Sheila. I biri më pas kishte mbyllur telefonin duke i thënë se e urrente.

(E.K/Faxweb)