Ish-kryetari i bashkisë së Kavajës, i cili u shkarkua nga detyra pak ditë më parë, ishte i ftuar në darkën e fundvitit të Partisë Socialiste të rrethit.
Elvis Rroshi foli me shumë vetëbesim para të ftuarve, të cilët i uroi për festat.
Faqja zyrtare e Bashkisë së Kavajës, ka publikuar disa foto nga mbrëmja në fjalë ku Roshi shihet me mikrofon para të ftuarve.
“Gëzuar Vitin e Ri, paqe dashuri e harmoni paçi në familjet tuaja. Momente nga festa e fundvitit Partia Socialiste Kavajë. Bashkë do t’ia dalim!”, shkruhet në postim.
Ndërsa mbrëmë, Rroshi shkroi në Facebook:
“Faleminderit Zotit per cdo te mire qe ka sjelle per ju ne 2016:)
Ju uroj nje vit sa me te mbare, me sa me shume paqe dhe qetesi ne shpirtin tuaj.
Te jete nje vit i begate, të keni shendet ne familje ju dhe njerëzit tuaj me te dashur. Mendoni sa me shume pozitivisht dhe dashamiresi me shumë ne jetet tuaja dhe do t’ja dilni.”
Rroshit iu hoq mandati i kryetarit të bashkisë me vendim të KQZ-së, kjo për shkak të akuzave të Prokurorisë ndaj tij.
