Drejtori i Përgjithshëm i Emergjencave Civile, Shemsi Prençi, ka bërë me dije së fundmi se pavarësisht rritjes së temperaturave, reshjet e dëborës dhe akujt do të vazhdojnë të jenë të pranishme gjatë gjithë muajit Janar në vendin tonë.
Duke bërë një pasqyrim të situatës në vend, Prençi deklaroi nga mbledhja e Zyrës Operacionale se temperaturat e ulëta do të vazhdojnë në zonat malore, por edhe në bregdet, situata në këto të fundit ka shkuar përtej parashikimeve.
“Temperaturat minimale -29 gradë dhe -27 në Vermosh dhe fshatrat e Librazhdit. Temperatura të ulëta janë shënuar edhe në Peshkopi dhe Kukës. Temperatura të ulëta dhe në bregdet, përtej parashikimeve. Pavarësisht rritjes së temperaturave me 3 gradë, reshjet e dëborës do të na shoqërojnë gjatë gjithë muajit Janar. Temperaturat nuk do të zbresin nën -18 gradë. Prezenca e akullit në akset rrugore do të jetë, ndaj duhen marrë masa për përkujdesje të vazhdueshme.”, u shpreh Prenci. (XH.A/SHUPLAKA)
