Deputeti demokrat Gent Strazimiri ka dalë në një deklaratë për mediat në lidhje me zgjedhjen e kreut të SHÇBA-së.
Ai tha se PD-ja rikonfirmon qëndrimin se Vetingu në rradhët e Policisë së Shtetit duhet të niste nga vetë ministri Fatmir Xhafaj.
‘’Është një person me njollë në dosje, pasi është shkarkuar nga KLD që në 2002 pasi ëeshtë gjetur si i padenjë për të bërë drejtësi. Pra procesi është duke u bërë edving. Ky është një instrument i ministrit të Brendshëm për të kontrolluar të gjitha emërimet në sistemin e drejtësisë. Me emërimin e tij Xhafaj ka gjetur njeriun më të padenjë, pëer të vijuar procesin”, u shpreh Strazimiri.
Agim Hysi, që u emërua në këtë post, është shkarkuar nga KLD për shkelje të detyrës kur ishte gjyqtar në Vlorë dhe Gjirokastër. Ai do të zëvendësojë në detyrën e drejtorit të SHÇBA-së , Eduart Merkajn i cili u emërua drejtor kundër krimit të organizuar dhe policisë kriminale.
(E.K/FAXWEB)
