Emigrantët nga Lindja kalojnë nëpër Shqipëri, mes borës dhe të ftohtit tregojnë cili është destinacioni

Refugjatët e paligjshëm vijojnë të futen në vendin tonë pavarësisht kushteve të vështira të motit.

Ndërsa në zonën  juglindore të vendit kanë nisur reshjet e para të borës, dhjetra emigrantë të paligjshëm kapërcejnë kufirin shqiptar për të kaluar më pas në vendet e Bashkimit Europian kryesisht.

Fax News ka xhiruar një grup emigrantësh që vinin nga Maroku, Siria dhe Iraku në fshatin Dardhë të Korçës.

Ata treguan se e përdorin Shqipërinë si rrugë tranziti drejt vendeve të Bashkimit Europian që shtë edhe synimi i tyre.

Njëri prej tyre që ishte shtetas sirian, tha se nuk do të donte të rikthehej në vendin e tij pasi ka ikur për shkak të luftës.

(F.GJ/FAXWEB.AL)