Një qytetar ka bërë një denoncim të çuditshëm ku shprehet se prej disa ditësh është kthyer në Shqipëri për të kaluar pushimet me të afërmit dhe familjarët e tij, por që është mbajtur për një kohë të gjatë në ambientet e Komisariatit të Durrësit.
Arsyeja sipas tij ka të bëjë me faktin se makina e tij është me targa të huaja por që gjatë një kontrolli nga Policia Rrugore, është marrë në Komisariat vetëm për këtë fakt ‘për të bërë verifikime’.
Ai deklaron se është një emigrant i rregullt si dhe nuk ka shkelur asnjë ligj si në Shqipëri ashtu edhe në vendin ku jeton, por pretendon se Policia e bën këtë për ti marr ndonjë lekë.
Denoncimi i referohet një statusi të bërë në llogarinë e Facebook të ish-kryeministrit, Sali Berisha, i cili përkrah tij shkruan se, Polcia mban një qëndrim prej gangsterash ndaj emigrantit.
Statusi i plotë
Qendrim prej gangsteresh te narkopoliceve rrugor te Durresit ndaj emigrantit.
Lexoni denoncimin e emigrantit dixhital. sb
Dr Berisha ju pershendes! Nje nhe qytetar nga Fieri emigrant i rregullt ne nje vend europian. Kam ardhur disa dite pushime prane te afermeve te mi te familjes! Me cudit shume fakti i sjelljes se policise dhe konkretisht policia rrugore e Durresit.. Pa asnje shkak dhe arsye te motivuar me kane ndaluar ne komisariat me automjetin tim me targa te huaja..Dhe pse u kerkoj spjegime askush nuk te jep pergjigje..Na shohin me targa te huaja dhe na turren
pa shkak dhe argument ligjor vetem per te na xhevatur ndonje leke. Zoti Berisha kjo ka ndodhur sot dhe une qendroj ne ambjentet e policise kot fare i bindur qe jam nje qytetar i rregullt dhe i denje atje ku punoj e jetoj dhe po ashtu i denje te vizitoj vendin tim! Turp qe police te tille paskerka pafund neper rruget e Shqiperise! S.K.
(F.GJ/FAXWEB.AL)
