Një ngjarje e rëndë ka ndodhur ditën e sotme në qytetin e Elbasanit, ku 39-vjeçari Emiliano Ramazani është qëlluar për vdekje nga një makinë në ecje.
Policia njofton se në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi Emiliano Ramazani, 39 vjeç.
Burime për Fax News me dije se Emiliano Ramazani, është një person me të shkuar kriminale në trafik lëndësh narkotike.
Ramazani është arrestuar për trafik kokaine në vitin 2017 dhe dyshohet se ngjarja ka ndodhur për prishje të pazarave të drogës.
Dyshohet se 39-vjeçari është qëlluar nga një makinë në ecje, ndërkohë që personat dyshohet se kanë qenë të maskuar.
Policia ka shoqëruar shumë persona, si dhe po sekuestron një numër të madh kamerash sigurie, që do të ndihmojnë në zbardhjen e krimit.
Në vendin e ngjarjes kanë mbërritur drejtori i policisë së shtetit, Ardi Veliu dhe drejtori i krimeve Tonin Vocaj. Ne vend ngjarje dhe Kreshnik Ajazi drejtues i prokurorisë Elbasan.
Elbasan/Informacion paraprak
Në Elbasan, në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi E. R. 39 vjeç
Autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit.
Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.
Në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale.
Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve. Nën drejtimin e Prokurorisë vijon puna për zbardhjen e plotë të rrethanave të ngjarjes. (M.Q/Faxweb.al)
Discussion about this post