Paraditen e sotme, u bë i ditur lajmi se aktori i njohur i humorit Erion Isai është në listën e emrave të përzgjedhur për të kandiduar si Kryetar Bashkie në Kolonjë nga radhët e Partisë Socialiste. Dhe duket se pas këtij lajmi kanë vërshuar dhe urimet në drejtim Isait.
Moderatorja e njohur Rudina Xhunga, vetëm pak çaste më parë zgjodhi t’i përcillte urimet mikut të saj, në një mënyrë mjaft speciale. Rudina postoi në ‘Instagram’ dy foto të shkëputura nga disa skena xhirimesh të shumë viteve më parë.
Me aq sa ka zbuluar Rudina në shkrimin e saj, bëhet fjalë për një projekt të quajtur “Shqip” i cili nuk arriti të transmetohej asnjëherë në ekran.
“Kur xhirohej nje Shqip ne Erseke, qe nuk u dha kurre, apo jo @bujar_kokonozi . Foto me te bukur, se kjo e Roland Tashos, per te kurorezuar shpalljen e kandidatures, se kryetarit te Bashkise se qytetit tend, nuk ke ku gjen“, ka shkruajtur Xhunga.
Bes Kallaku gjithashtu ka uruar kolegun e tij duke shprehur besimin që ka tek ai falë punës dhe përkushtimit që sheh çdo ditë tek Erioni.
Dhe padyshim, “qershia mbi tortë” është urimi dhe mbështetja e gjysmës së tij, bashkëshortes së Erionit.
“Keto kohe me eshte dashur te shkruaj shume here per arritjet e tua, dhe sot eshte ai momenti qe kam shume per te thene po nuk di ca te them sa jane aq shume sa nuk i lene rradhe njera-tjetres. Une di vetem te te them qe ne te dyja jemi me ty ne cdo hap tendin. Babi Eri te duam shume. Te vafte mbare”, ka shkruar ajo.
Discussion about this post