Emocionuese, Lorik Cana nuk mban dot lotët, çfarë e bëri kapitenin të përlotet

Lorik Cana, ish-kapiteni legjendarë i kombëtares shqiptare të futbollit i ftuar në studion e “Top Shoë Magazine, nuk i përmbajti dot lotët.

Lorik Cana u përlot gjatë rrëfimit të Lekë Dobrunës, shokut të dëshmorit Elton Zherka nga Gjakova për simbolikën e tatuazhit të tij ku Loriku godet me grusht një tifoz serb gjatë ndeshjes Serbi- Shqipëri!

 “Ishte akt spontan ndaj një tifozi që nuk kishte çfarë kërkonte në fushë. Leka ka qenë krenar me aktin tim, ndërsa unë jam krenar me atë që përfaqëson ky njeri. Kur më ftuat në emision, isha i sigurtë që do më ndodhte kjo”, tha Cana duke shpjeguar lotët e tij.

Në lidhje me jetën si “pensionist”, Cana tregoi: “Po merrem me disa shokë në SHBA për të pasur një biznes që do të ndihmojë edhe Kosovën, ndërkohë që po ndihmoj edhe babanë tim që sapo është bërë Presidenti i Vllaznimit të Gjakovës”

(M.Q/Faxweb)