Një vit pas arrestimit të shqiptarit Dritan Tilka në Itali, mediat italiane kanë publikuar detaje të reja të reja lidhur me lidhjen e tij me trafikantë të tjerë në Milano.
Kujtojmë se Tilka është arrestuar më 11 prill të 2016-ës, nën akuzën për trafikim të lëndëve narkotike. Sipas policisë, 30-vjeçari ka qarkulluar rreth 626.351 euro kokainë.
Në urdhrin e arrestit të shqiptarit, prej 418 faqesh, sqarohet me detaje se si shqiptari e trafikonte drogën në Itali, apo edhe furnizimin nga Hollandë përmes lidhjeve me trafikantë të tjerë në Milano.
Mësohet se Tilka mbante në një bllok shënime, mbi të gjitha veprimet e tij si edhe bilancet për shitjen e kokainës.
Sipas informacioneve të marra pikërisht nga ky bllok, mësohet se marijuanën ai e shiste me 4500 euro kilogramin, ndërsa kokainën me 35 mijë kilogramin. Shqiptari përdorte disa identitete të rreme, madje edhe emra kinezë e indianë.
Sipas policisë, ky “ditar” apo libër llogarie është i lidhur me aktet e hetimit të mbyllur dje me 31 arrestime dhe sekuestrimin e 22 kileve kokainë, 39 marijuanë, gjysmë milioni euro në dorë, një pistoletë dhe një automatik të vogël.
Hetuesit kanë regjistruar dhjetëra biseda telefonike të Antonino Salantino, 29 vjeçari italian, i cili kryente ngarkesa të mëdha të drogës si dhe furnizues të korrierëve me rreth 2 kg kokainë në javë. Ai ishte bosi i një lokali të marrë me qira në zonë Viale Monza.
Në telefonatat e shpejta thuhej midis të tjerash: “Ne jemi tre”, që korrespondon me tre gram kokainë. Është një punonjës i një kompanie shumëkombëshe në Lambrate që merr në zyrë ose në shtëpi dy herë në javë porosinë. Një nëpunës i zakonshëm porosit gjithashtu dhe rekomandimi i tij është gjithnjë i njëjtë: “E dua të mirë!”. Në listë madje janë edhe nëpunës të Universitetit Katolik që kryen porosi çdo dy-tre ditë në Cesano Boscone, nga 20 deri në 50 gram kokainë, ndërsa dërguesi është Rosanna Cellamare, 53-vjeç, e kështu me radhë. (D.D/Shuplaka)
[ngg_images source=”galleries” container_ids=”1575″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
