EMRAT/ 15-vjeçari u plagos në oborrin e shtëpisë, policia shpall në kërkim xhaxhanë e të miturit: Qëlloi në drejtim të vëllait, por… (Dinamika e ngjarjes)

Policia ka zbardhur ngjarjen e ndodhur mbrëmjen e djeshme në Fushë Mëzez, ku një 15-vjeccar mbeti i plagosur në oborrin e banesës së tij. Blutë kanë shpallur në kërkim xhaxhanë e të miturit si autori i ngjarjes.

Dyshohet se gjithçka ka ndodhur si pasojë e një konflikti banal, ku xhaxhai, Nazmi Pëllumbi ka qëlluar me armë zjarri në drejtim të vëllait të tij binjak, edhe ky xhaxha i 15-vjeçarit. Aksidentalisht ka mbetur i plagosur i mituri.

Ndërkohë, është arrestuar babai i 15-vjeçarit, Florant Pëllumbi është arrestuar pasi në banesën e tyre është gjetur një sasi lënde narkotike.

Njoftimi:

Zbardhet dhe dokumentohet ngjarja e ndodhur mbrëmjen e djeshme në Fushë Mëzez, ku mbeti i dëmtuar me armë zjarri një 15-vjeçar.

Shpallet në kërkim një 29-vjeçar (xhaxhai i 15-vjeçarit), pasi gjatë një konflikti për motive të dobëta me vëllanë binjak, ka qëlluar me zjarri drejt tij dhe nga të shtënat është dëmtuar aksidentalisht 15-vjeçari (nipi i tyre).

Arrestohet binjaku i 29-vjeçarit, pasi iu gjet në banesë një sasi lënde e dyshuar narkotike kokainë.

Specialistët e Sektorit për Hetimin e Krimeve të Rënda, në vijim të veprimeve hetimore të kryera në drejtimin e Prokurorisë, kanë bënë të mundur zbardhjen e rrethanave të ngjarjes së ndodhur mbrëmë, në Fushë-Mëzez, ku mbeti i dëmtuar me armë zjarri 15-vjeçar.

Në vijim të veprimeve për këtë rast:

u shpall në kërkim shtetasi N. P., 29 vjeç, për veprat penale “Vrasja me dashje”, mbetur në tentativë”, “Plagosja e rëndë nga pakujdesia” dhe “Mbajtja pa leje dhe prodhimi i armëve, armëve shpërthyese dhe i municionit”;

-u arrestua shtetasi F. P., 29 vjeç, për veprën penale “Prodhimi dhe shitja e narkotikëve”, pasi gjatë kontrollit në banesën e tij u gjet një sasi kokaine, e cila u sekuestrua në cilësinë e provës materiale.

Në përfundim të veprimeve të para hetimore ka rezultuar se shtetasi N. P. gjatë një konflikti për motive të dobëta me vëllanë e tij binjak, shtetasin F. P., në oborrin e përbashkët të banesave të tyre, ka qëlluar me armë zjarri në drejtim të tij. Nga këto të shtëna ka mbetur i dëmtuar 15-vjeçari (djali i vëllait tjetër të tyre), i cili vijon të jetë në kujdesin e mjekëve.

Materialet procedurale i kaluan Prokurorisë, për veprime të metejshme.