Ish- ministri i Drejtësisë, Ylli Manjani ka reaguar lidhur me marrjen e mandatit të deputetit gjatë ditës së sotme nga katër kandidatët e zgjedhjeve të kaluara parlamentare.
Manjani shprehet se ata që i futën në lista këta emra, kanë përgjegjësi të rëndë politike para partive dhe votuesve të tyre.
Sipas tij, Ilir Meta e Lulzim Basha janë përgjegjës para partive për “emrat që pranuan të bëjnë lulet artificial të parlamentit”, që sipas Manjanit është shndërruar në varrezë.
Ndërkohë që nga ana tjetër, ai bën përgjegjës para Shqipërisë, Kryeministrin Edi Rama.
Reagimi i plotë i Manjanit:
Që të bëjmë dallimin:
Ata që i futën në lista këto emra që pranojnë të bëjnë lulet artificiale të këtij varrezë-parlamenti, kanë përgjegjësi të rêndë politike para partive dhe votuesve të tyre!
Pra e thënë më troç: Ilir Meta e Lulzim Basha janë përgjegjës para partive të tyre!
Ndërsa blerja që po ju bën pushteti për të krijuar demokraci fallco e bën këtë të fundit, pra pushtetin, përgjegjës para Shqipërisë dhe historisë së saj!
Që do të thotë: Edi Rama është përgjegjës para Shqipërisë!
Dallimi është i madh, për të gjithë ata që kanë të parë Shqipërinë dhe jo Partinë!
Nga ana tjetër, të gjithë bashkë i janë borxhli demokracisë, pa asnjë dyshim!
(F.GJ/FAXWEB.AL)
