Policia njofton se ka arrestuar mbrëmjen e djeshme tre banorë të Astirit, të cilët protestuan për mbrojtjen e banesave të tyre, nga projekti korruptiv i Unazës së Madhe. Faxweb.al raporton se 3 personat e arrestuar janë Ruzhdi Daci, Tomor Gjata dhe Eduart Ferhati.
Që prej hyrjes në fuqi të ndryshimeve të Kodit Penal, ku ndalohen qytetarët për të protestuar duke bllokuar rrugët, numri i banorëve të Astirit që janë arrestuar ka shkuar në 6.
Njoftimi i policisë:
Bllokojnë rrugën në zonën e Unazës së Re, në pranga tre persona.
Dy ditë më parë u arrestuan dhe tre persona të tjerë për bllokimin e rrugës në zonën e Unazës së Re.
Shërbimet e Komisariatit të Policisë Nr. 6, arrestuan në flagrancë për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”, shtetasit:
- F., 27 vjeç; R. D., 54 vjeç dhe T. Gj., 56 vjeç (të tre banues në rrugën “Teodor Keko” në Zonën e Unazës së Re).
Këta shtetas në rrugën “Teodor Keko” në zonën e Unazës së Re, kanë organizuar e zhvilluar një tubim të paligjshëm dhe kanë penguar qarkullimin e mjeteve të transportit rrugor në të dyja drejtimet e rrugës “Tedor Keko”.
Policia po punon për identifikimin dhe kapjen e personave të tjerë, pjesëmarrës në bllokimin e rrugës në zonën e Unazës së Re.
Me ndryshimet e reja në Kodin Penal, bllokimi i qarkullimit rrugor duke cenuar të drejtat dhe liritë themelore për lëvizjen e lirë të shtetasve dhe të mjeteve të transportit, do të përballet me pasojat e shkeljes së ligjit.
(E.K/Faxweb.al)
Discussion about this post