Në një fshat të bashkisë Belsh një person ka qëlluar disa herë me thika një 29 vjeçar mbrëmë i cili gjithashtu i êshtë kundërpërgjigjur duke e qëlluar po me thikë.
Për pasojë të dy këta persona kanë përfunduar në spital pasi kanë qëlluar -Njëri prej tyre ka marrë 6 plagë të thella , ndërsa autori disa plagë të lehta.
Ervin Hysa 29 vjeç nga Kajani i bashkisë Belsh ndodhet rëndë në reanimacion , ndërsa policia ka arrestuar autorin Përparim Pepa 23 vjeç i cili gjithashtu ka përfunduar në spital me plagë të lehta. Nuk janë të qarta rrethanat dhe shkaqet e konfliktit mes tyre.
Njoftimi i plotë:
“Nga Specialistët e Hetimit të Krimit në Komisariatin e Policisë Elbasan, u arrestua në flagrancë shtetasi:
• Përparim Pepa, 23 vjeç, banues në Belsh,
Arrestimi i tij u bë pasi, ky shtetas në fshatin Kajan, Belsh, në ambjentet e jashtme të një lokali, gjatë një konflikti të çastit për motive të dobëta ka goditur me mjet prerës thikë disa herë shtetasin R.H., 29 vjeç, banues në fshatin Kajan, Belesh, ku gjatë konfliktit edhe shtetasi R.H., e ka goditur me grushta në fytyrë shtetasin Përparim Pepa.
Të plagosurit janë trasportuar menjëherë në Spitalin Rajonal të Elbasanit, dhe janë nën kujdesin e mjekëve.
• Në cilësinë e provës materiale është sekuestruar arma e ftohtë thikë.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Vrasja me dashje e mbetur në tentativë” “Prodhimi, mbajtja, blerja apo shitja pa leje e armëve të ftohta”, të parashikuar nga nenet 76 e 22 dhe 279 të Kodit.
Penal.”
(B.H/Faxweb)
