Që nga dita e parë e arritjes së marrëveshjes dhe theksimi se 6 ministri do ti jepeshin opozitës filluan të qarkullonin emrat e parë.
Kush për ministër arsimi dhe një tjetër emër për ministër shëndetësie. Të gjitha këto janë ende aludime pasi burime nga PD hedhin poshtë të gjitha persiatjet në media, për emrat e ministrave teknikë, dhe për emrat e kandidatëve për deputetë.
Po ashtu PD-ja saktëson se përzgjedhja e kandidatëve për deputetë do të bëhet duke shqyrtuar propozimet e bazës.
‘’Ministrat teknikë që do propozohen nga PD sipas marrëveshjes së 18 majit, do të jenë gardianë të zbatimit të marrëveshjes në funksion të garantimit të votës së lirë, përmes luftës ndaj drogës, parave të drogës, krimit, dhe moslejimin e shfrytëzimit të administratës për interesa elektorale.
Nga baza demokrate janë propozuar mbi 1700 kandidatura për deputet përmes një procesi të hapur edhe për qytetarët’’, thuhet nga burimet në PD. (E.K/SHUPLAKA)
Discussion about this post