EMRAT QË QARKULLOJNË/ Ç’pritet të ndodh sot në Kryesinë e Socialistëve

Sot rreth orës 9 pritet të mblidhet Kryesia e Partisë Socialiste e drejtuar nga Rama. Padyshim që tema do të jetë një dhe e vetme, zyrtarizimi i shkarkimit të katër ministrave dhe emrat e rinj që do ti pasojnë.

Kështu pra Ilir Qeqaj do të largohet nga Shëndetësia, Saimir Tahiri do të lërë një nga Ministritë më të rëndësishme, ministrinë e Brendshme, Blendi Klosi Ministrinë e Mirëqënies Sociale, ndërsa Bledi Ccucci Ministrinë e Pushtetit Vendor.

Duhet thënë se për pasuesin e Tahirit kanë filluar të qarkullojnë emra ende pa u zyrtarizuar takimi. Në ‘’pole position’’ është zëvendëskryeministri Niko Peleshi. Ndërkohë që dy emrat e tjerë janë Vexhi Muccmata dhe Ermonela Felaj, të dy me të shkuar në gjyqësor.

Nga ana tjetër emra të tjerë që qarkullojnë në korridoret e PS-së janë Blerina Gjylameti, Ervin Bushati, Olta Xhaçka dhe Klodiana Spahiu. 

Duhet thënë se një nga kushtet për tu mandatuar ministër është që të mos jetë kryetar i fushtaës së PS-së në qarqe. (E.K/SHUPLAKA)