Gjykata e Posaçme e Apelit ka shpallur vendimin për 16 persona, të cilët janë gjykuar në kuadër të një grupi të strukturuar kriminal lidhur me kultivimin dhe trafikimin e narkotikëve, si dhe pastrim të produkteve të veprës penale.
Të gjykuarit në këtë proces janë: Aleks Memaj, Saimir Kurti, Aleksandër Neço, Çezar Gjomemo, Erind Hysomemaj, Shkëlzen Kambëri, Malton Lleshi, Klajdi Ademi (Hysomemaj), Toni (Elton) Kushi, Marenglen Çaçi, Luan Zylyftari, Artan Zylyftari, Geri Zylyftari, Erlind Zylyftari, Ilir Gaba, Festim Lelaj.
Referuar vendimit të Apelit, i pandehuri Saimir Kurti, në bashkimin e vendimeve, është dënuar me 12 vjet e 6 muaj burgim, por për shkak të vendimit të shkurtuar do të vuajë 8 vjet e 4 muaj burg.
Ndërkohë sa i takon konfiskimit të pasurive për të pandehurit Saimir Kurti dhe Aleks Memaj, Apeli i GJKKO vendosi kthimin e çështjes për rigjykim në po atë gjykatë me të njëjtën përbërje të trupit gjykues.
Ndërkohë Apeli i GJKKO vendosi prishjen e vendimit në lidhje me të pandehurin A.L.Z. dhe pushimin e çështjes në ngarkim të tij për shkak se i pandehuri ka ndërruar jetë.
Për pjesën tjetër të të pandehurve, Apeli i GJKKO ka lënë në fuqi vendimin e shkallës së parë të Gjykatës Speciale Kundër Krimit të Organizuar dhe Korrupsionit.
Discussion about this post