Emrat/ Të rinjtë po bënin gara, dalin detaje nga vdekja e 17-vjeçarit të rrethrrotullimi TEG-ut

Detaje të reja janë publikuar nga aksidenti tragjik i mbrëmjes së kaluar pranë rrethrrotullimit të TEG-ut, në autostradën Tiranë-Elbasan, ku humbi jetën një 17-vjeçar.

Bëhet e ditur se viktima është Kristjan Vasili, ndërkohë që të plagosur kanë mbetur Alban Dervishaj dhe Rei Oka.

Raportohet se të rinjtë po bëni gara ndërmjet tyre dhe po ecnin me një shpejtësi të lartë, që për pasojë ka shkaktuar edhe aksidentin tragjik.

Tiranë/Informacion paraprak.

Rreth orës 22:00, në aksin rrugor Tiranë-Elbasan janë përplasur dy automjete.

Si pasojë e përplasjes nga plagët e marra ka ndërruar jetë në spital shtetasi; K. V.,17 vjeç, ndërkohë për ndihmë mjeksore kanë shkuar dhe tre shtetas të tjerë pa probleme për jetën.

Grupi hetimor ndodhet në vendngjarje, ku po vijon punën për sqarimin e mëtejshëm të rrethanave të ngjarjes dhe shkakut të aksidentit.

(M.Q/Faxweb.al)