EMRI/ Aksidentoi për vdekje 20-vjeçarin në Elbasan, e lë në rrugë dhe largohet nga vendngjarja

Mbrëmjen e sotme rreth orës 21:25, një shtetas i paidentifikuar ka përplasur me automjet këmbësorin Fiori Sula, 20 vjeç, në qytetin e Elbasanit. Si pasojë e aksidentit 20-vjeçari ka ndërruar jetë rrugës për spital.

Autori i ngjarjes është larguar menjëherë nga vendngjarja ndërsa policia po heton zbardhjen e ngjarjes dhe po punon për identifikimin e drejtuesit të mjetit.

Elbasan/ Informacion paraprak

Më datë 23.01.2023, rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit.

Si pasojë shtetasi F. S., ka ndërruar jetë rrugës për në spital.

Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.