EMRI/ Arrestohet 23-vjeçari me 9 doza heroine dhe një tjetër shpallet në kërkim në Durrës

Policia e Durrësit ka arrestuar ditën e sotme një 23-vjeçar me 9 doza lëndë narkotike të llojit Heroinë dhe një tjetër është shpallur në kërkim.

I arrestuar është  shtetasi, Françesko Selishta 23 vjeç, banues në Durrës, i cili ka qenë i dënuar më parë për vjedhje. Gjithashtu është shpallur në kërkim  shtetasit:  me iniciale A.Z. 28 vjeç, banues në Durrës.

Njoftimi i policisë:

Më datë 06.10.2017, në bazë të informacioneve të disponuara nga Strukturat Policore gjatë kontrollit fizik të ushtruar shtetasit Françesko Selishta I janë gjetur dhe sekuestruar në cilësinë e provës materiale: • 9 doza lënde narkotike e dyshuar e llojit Heroinë. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe shitja e narkotikëve” në bashkëpunim parashikuar në nenin 283/2 të Kodit Penal.

(S.SH/Shuplaka)