Avokati Altin Goxhaj ka folur sërish në lidhje me diskutimin e hapur për “kufijtë e Kosovës” pas deklaratave të presidenti të Kosovës javë më parë që shkaktoi furtunë reagimesh në Kosovë dhe Shqipëri.
Goxhaj tha se dokumenti për copëtimin e Kosovës është hartuar në vitin 2017 dhe mbi këtë dokument është është përgatitur copëtimi i Kosovës. Dokumenti sipas tij është hartuar nga një degë e fondacionit Soros.
Ai ka fajësuar dhe politikën shqiptare, duke përjashtuar ish-kryeministrin Berisha se nuk kanë reaguar në lidhje me atë që e quajtin “copëtimin e trojeve shqiptare”. Veçanërisht Altin Goxhaj hodhi akuza të forta ndaj Bashës i cili sipas tij është i marrë peng nga soros dhe nuk pati guximin të reagojë për një çështje kaq të rëndësishme siç janë kufijtë e Kosovës.
Ndërsa bëri thirrje për sekuestrimin e pasurive të Soros, Altin Goxhaj tha se njeriu i cili do të flasë për kampin e shfarosjes në Tepelenë, është Ermal Frashëri, sipas tij i dërguari i Soros.
Më tej ai e cilësoi personin në fjalë, si “kokën” e koncesioneve dhe të PPP-vë në Shqipëri.
“Njeriu që do të flasë për kampin e shfarosjes në Tepelenë, është Ermal Frashëri, koka kryesore e koncesioneve e PPP-ve, drejtor fondacionesh të Soros. Deri këtu ka arritur puna”, tha Goxhaj.
Sipas Goxhajt, Ermal Frashëri është “dhuratë e Lulzim Bashës”.
Altin Goxhaj deklaroi ndër të tjera se klasa politike në Kosovë ka për detyrë të distancohet nga Sorosi për të mbrojtur interesin kombëtar. Ai u ka bërë thirrje që të ndërmarrin dy veprime të menjëhershme, brenda gushtit.
“Kanë për detyrë të distancohen nga Sorosi dhe të fillojnë procedurat e shkarkimit të Thacit, nuk ka rëndësi nëse shkarkohet apo jo por kështu bëhet distancimi nga Soros”, tha ai. (B.H/Faxweb)
