Fitorja e djeshme e Albin Kurtit në Kosovë dhe zgjedhja që Kosova bëri për drejtuesin e saj, ka ngjallur mjaft debat mes analistëve dhe opinionistëve në vendin tonë.
I tillë ka qenë debati i zhvilluar mbrëmjen e djeshme në TCH, teksa gazetari Denis Dyrnjaja është shprehur se kreu i opozitës duhet të “hapë krahun”.
Sipas tij, në pushtet, nga opozita duhe të vijë një figurë tjetër brenda partisë, që ka kredite të besueshme. Dyrnjaja shprehet se Grida Duma mund të jetë nesër Kryeministrja e vendit.
Ai thotë:
”Gjynah me pushtetin, ky është halli që kemi ne këtu. Atëherë hap krahun, le të vijë një figurë tjetër brenda partisë tënde që të jetë me kreditë më të besueshme. Të mos jetë me katapulta.
I referohem opozitës. Pse mos jetë Grida Duma njeriu që të jetë nesër për kryeministre, pse të mos jetë dikush tjetër.
Nëse ke 5 çështje që ti i ke mbi kurriz me pikëpyetje, hape krahun e po bllokon opozitën more zotëri. Hape krahun të vijnë të tjerët.
Hap debatin brenda opozitës, hap strukturat që të ketë debat, të prodhohet reaksion politik. Është e uzurpuar PD, nuk ka garë brenda PD”.
