Detaje të reja janë zbuluar nga konflikti mes disa të rinjëve në Fier, që përfundoi me të shtëna me armë zjarri brenda Spitalit Rajonal të Fierit.
Burime për Faxweb bëjnë të ditur se është plagosur me sende të forta Gentian Zhapa, 33-vjeç nga Levani, i cili është goditur me levë në kokë gjatë konfliktit. Ndërkohë në spital është qëlluar me armë zjarri, ku dhe ka mbetur i plagosur, babai i Gentian Zhapës.
I ati i 33-vjeçarit është plagosur brenda ambienteve të Spitalit Rajonal në Fier. Raportohet se nga personat e lënduar, dy persona janë plagosur me armë dhe dy janë plagosur me leva.
Kujtojmë se konflikti ka nisur më herët mes dy grupe të rinjsh, në Levan të Fierit, të cilët janë goditur midis tyre me sende të forta.
Personat e plagosur kanë shkuar në spitalin Rajonal të Fierit për të marrë ndihmën mjeksore nga dëmtimet, por me pas një i ri nga grupi rival, ka shkuar i armatosur dhe ka hapur zjarr në ambientet e Urgjencës së Spitalit, raporton Faxweb, nga burime paraprake.
Policia ka mbërritur në vendgjarje dhe raportohet se ka arrestuar katër persona në lidhje me ngjarjen.
Ende nuk bëhen të ditura më tepër detaje mbi identitetin e të rinjëve apo shkakun e konfliktit.
Pas ngjarjes së rëndë, policia dhe FNSH kanë mbërritur në spital. Në ambientet spitalore ka mbërritur edhe drejtori i Policisë së Fierit Andon Marko.
Gjatë fjalës së tij për mediat, Marko tha se policia ka arrestuar 2 persona, kurse një i tretë është shpallur në kërkim.(Lexo më shumë)
(M.Q/Faxweb.al)
Discussion about this post