Janë të shumta rastet kur shqiptarët me arritjet e tyre kanë ngritur lart emrin e Shqipërisë duke bërë krenar vendin nga vijnë.
Një nga ato është Rezart Cungu, shqiptari nga Mali i Zi, i cili ka pasur nderin që të takohet me presidentin e SHBA-ve, Donald Trump.
Rezart Cungu është një tenist i talentuar i cili jeton në SHBA dhe atje me ekipin e tij ka arritur të fitojë kampionatin e tenisit. Pas kësaj arritjeje një nga dhuratat ishte dhe kjo vizitë në Shtëpinë e Bardhë.
Ai ishte pjesë e fitores së kampionatit të tenisit të National Collegiate Athletic Association (NCAA), ku kjo kupë është më e rëndësishmjma e garimit mes universiteteve në Shtetet e Bashkuara të Amerikës.
Ka qenë vetë babai i të riut shqiptar Nazif Cungu, kreu i Komunës së Ulqinit I cili përmes një postimi në ‘Facëbook’ ka bërë të njohur lajmin.
‘Pas fitores se kampionatit të tenisit, Rrezarti bashkë me ekipin e tij pati nderin që të takohej me presidentin e Shteteve të Bashkuara të Amerikës, Donald Trump. Jam i gëzuar që puna e palodhur e djalit tim po shpërblehet dhe që suksesi respekohet”, shkruan Nazif Cungu.
(B.H/Faxweb)
Discussion about this post